இறுதிப் போட்டி நாளை

அவுஸ்திரேலியா, நியூசிலாந்து, இங்கிலாந்து அணிகளுக்கிடையிலான முத்தரப்பு இருபதுக்கு – 20 சர்வதேசப் போட்டித் தொடரின் இறுதிப் போட்டி, ஒக்லன்டில் அவுஸ்திரேலியா, நியூசிலாந்து அணிகளுக்கிடையே இலங்கை நேரப்படி நாளை காலை 11.30 மணிக்கு ஆரம்பமாகவுள்ளது.

ஒக்லன்டில் இடம்பெற்ற இரண்டு அணிகளுக்கிடையிலான குழுநிலைப் போட்டியிலும் அதிக ஓட்டங்கள் குவிக்கப்பட்ட நிலையில், குறுகிய மைதானமாக ஒக்லன்ட் காணப்படுவதால், இப்போட்டியிலும் ஓட்டங்கள் குவிக்கப்படுமென்றே எதிர்பார்க்கப்படுகிறது.

அந்தவகையில், சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான அணிகளின் தரவரிசையில் ஏழாமிடதில் காணப்பட்டவாறு ஆரம்பித்த அவுஸ்திரேலிய அணி, இப்போட்டியில் வென்றால், தரவரிசையில் முதலிடத்தில் காணப்படும் பாகிஸ்தானின் புள்ளிகளைச் சமப்படுத்தும் வாய்ப்பைக் கொண்டு களமிறங்குகிறது.