சீரி ஏ: வென்றது ஜுவென்டஸ்

இத்தாலியக் கால்பந்தாட்டக் கழகங்களுக்கிடையிலான சீரி ஏ தொடரில், நேற்று இடம்பெற்ற போட்டியொன்றில், 3-1 என்ற கோல் கணக்கில், ஸஸ்ஸுலோ அணியை ஜுவென்டஸ் அணி வென்றுள்ளது. ஜுவென்டஸ் அணி சார்பாகப் பெறப்பட்ட மூன்று கோல்களையும் போலோ டிபாலா பெற்றார். ஸஸ்ஸுலோ அணி சார்பாகப் பெறப்பட்ட கோலை மட்டியோ பொலிட்டானோ பெற்றார்.

இப்போட்டியில் பெற்ற வெற்றியோடு, இப்பருவகால சீரி ஏ தொடரில் விளையாடிய நான்கு போட்டிகளிலும் வென்று 12 புள்ளிகளைப் பெற்றுள்ளபோதும், கோல் எண்ணிக்கை அடிப்படையில் இரண்டாமிடத்தில் ஜுவென்டஸ் உள்ளது. முதலாமிடத்திலுள்ள நாப்போலியும் மூன்றாமிடத்திலுள்ள இன்டர் மிலனும் கூட 12 புள்ளிகளையே பெற்றுள்ளன என்பது குறிப்பிடத்தக்கது.