Reply To:
Eranda - cb chds hcdsh cdshcsdchdhd
2024 ஏப்ரல் 27, சனிக்கிழமை
Editorial / 2020 ஓகஸ்ட் 08 , மு.ப. 04:52 - 0 - {{hitsCtrl.values.hits}}
ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரிலிருந்து இத்தாலிய சீரி ஏ கழகமான ஜுவென்டஸும், ஸ்பானிய லா லிகா கழகமான றியல் மட்ரிட்டும் வெளியேற்றப்பட்டன.
இறுதி 16 அணிகளுக்கிடையிலான சுற்றில், பிரெஞ்சு லீக் 1 கழகமான லயோனிடம் எதிரணி மைதானத்தில் பெற்ற கோல்களின் அடிப்படையில் ஜுவென்டஸும், இங்கிலாந்து பிறீமியர் லீக் கழகமான மன்செஸ்டர் சிற்றியிடம் 4-2 என்ற மொத்த கோல் கணக்கில் றியல் மட்ரிட்டும் தோல்வியடைந்தே தொடரிலிருந்து வெளியேறியிருந்தன.
லயோனின் மைதானத்தில் நடைபெற்ற முதலாவது சுற்றுப் போட்டியில் 0-1 என்ற கோல் கணக்கில் தோல்வியடைந்திருந்த ஜுவென்டஸ், தமது மைதானத்தில் இன்று அதிகாலை நடைபெற்ற போட்டியில் 2-1 என்ற கோல் கணக்கில் வென்று கோலெண்ணிக்கையை சமப்படுத்தவே முடிந்தது. ஜுவென்டஸ் சார்பாகப் பெறப்பட்ட இரண்டு கோல்களையும் கிறிஸ்டியானோ ரொனால்டோ பெற்றிருந்த நிலையில், லயோன் சார்பாகப் பெறப்பட்ட கோலை மெம்பிஸ் டிபே பெற்றிருந்தார்.
இதேவேளை, தமது மைதானத்தில் நடைபெற்ற முதலாவது சுற்றுப் போட்டியில் 1-2 என்ற கோல் கணக்கில் மன்செஸ்டர் சிற்றியிடம் தோல்வியடைந்திருந்த றியல் மட்ரிட், அவ்வணியின் மைதானத்தில் நடைபெற்ற போட்டியிலும் 2-1 என்ற கோல் கணக்கில் தோல்வியடைந்திர்ருந்தது. மன்செஸ்டர் சிற்றி சார்பாக, ரஹீம் ஸ்டேர்லிங்க், கப்ரியல் ஜெஸூஸ் ஆகியோர் தலா ஒவ்வொரு கோலைப் பெற்றனர். றியல் மட்ரிட் சார்பாகப் பெறப்பட்ட கோலை கரிம் பென்ஸீமா பெற்றிருந்தார்.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
3 hours ago
9 hours ago
26 Apr 2024
26 Apr 2024