களுவாஞ்சிக்குடி வைத்தியசாலைக்கு மேலும் நிதி ஒதுக்கீடு

களுவாஞ்சிக்குடி, ஆதார வைத்தியசாலைக்கு ஏற்கனவே ஒதுக்கப்பட்ட 6 மில்லியனுக்கு மேலதிகமாக மேலும் 5 மில்லியன் ரூபாய் சுகாதார பிரதி அமைச்சர் பைசல் காசீம் வழங்கியுள்ளார்.

தற்போது, வழங்கப்பட்டுள்ள நிதி வைத்தியசாலையில் மருந்து களஞ்சியசாலையொன்றை நிர்மாணிப்பதற்காக பயன்படுத்தப்படுமெனவும், ஏற்கனவே ஒதுக்கப்பட்டுள்ள 6 மில்லியனில் 5 மில்லியன் வைத்தியசாலையின் பாரிய திருத்த வேலைகளுக்கும் 1 மில்லியன் நீர்விநியோகம், புனரமைப்பு வேலைகளுக்கும் செலவிடப்படவுள்ளது.

மொத்தமாக 11 மில்லியன் நிதி ஒதுக்கப்பட்டுள்ளமை குறிப்பிடத்தக்கது. வைத்தியசாலையின் ஏனைய அபிவிருத்திப் பணிகளுக்கும் கட்டங்கட்டமாக நிதி உதவிகளை வழங்குவதற்கு பிரதி அமைச்சர் பைசல் காசீம் நடவடிக்கை எடுத்துள்ளார்.