‘நிலையான ஜனநாயகத்தை உறுதிப்படுத்த முடியும்’

நாடாளுமன்றத் தேர்தலை நடத்துவதன் ஊடாக மாத்திரமே ஸ்திரமான நிலையான ஜனநாயத்தை உறுதிப்படுத்த முடியுமென்றும் அதனூடாக மாத்திரமே இப்போதைய அரசியல் நெருக்கடிக்குத் தீர்வைப் பெறவும் வாய்ப்புள்ளதெனவும், தமிழர் ஐக்கிய சுதந்திர முன்னணியின் பொதுச் செயலாளர் வீ.கமலதாஸ் தெரிவித்தார்.

மட்டக்களப்பில் வைத்து இன்று (02) காலை ஊடகங்களுக்கு கருத்துத் தெரிவித்தபோதே, அவர் இதனைத் தெரிவித்தார்.

இன்றைய சூழலில், நாடு ஸ்திரமில்லாத அரசியல் பாதையை நோக்கிச் செல்வதாகவும் இதனால் ஜனநாயகம் கேள்விக் குறியாகியுள்ளதாகவும் தெரிவித்த அவர், இதனைத் தடுப்பதற்கு, நாடாளுமன்றத்தைக் கலைத்துப் பொதுத் தேர்தலை நடத்த வேண்டுமெனவும் கோரினார்.