‘பிழையான புள்ளடிக்கு 5 வருடங்கள் வருந்தனும்’

தேர்தல் காலங்களில் உணர்ச்சி வசப்பட்டு, பிழையாக இடுகின்ற புள்ளடிகளுக்காக ஐந்து வருடங்கள் வருந்த வேண்டி வருமென்பதால் ஜனநாயகத்தின் பாரிய சொத்தான வாக்கை அளிக்குகின்றபோது, மிகவும் நிதானித்து வாக்களிக்க வேண்டுமென, இராஜாங்க அமைச்சர் எம்.எஸ்.எஸ்.அமீர் அலி தெரிவித்தார்.

மட்டக்களப்பு - எருவில் பிரதேசத்தில் நடைபெற்ற மக்கள் சந்திப்பின் போதே, அவர் இவ்வாறு தெரிவித்தார்.

அங்கு ​தொடர்ந்து கருத்துத் தெரிவித்த அவர், உணர்ச்சியான வசனங்களுக்குப் பின்னாலே அள்ளுண்டு செல்கின்றவர்களாக நாம் மாறக்கூடாதெனவும் அழிந்து போன மண்ணைக் கட்டியெழுப்ப வேண்டுமெனவும் தெரிவித்தார்.