வழிகாட்டல் பதாதையை செப்பனிடுமாறு கோரிக்கை

நல்லதண்ணி நோட்டன் பிரிட்ஜ் பாலத்துக்கு அருகில் வைக்கப்பட்டுள்ள வழிகாட்டல் பதாதையில் குறிப்பிடப்பட்டுள்ள வழிகாட்டல் முறைகள் அழிந்துள்ளதால், அவ்வீதி வழியாகப் பயணிக்கும் வாகன சாரதிகள், பாரிய அசௌகரியங்களை எதிர்கொண்டுள்ளனர்.

வீதி அபிவிருத்தி அதிகாரச் சபையால், குறித்த பதாதை, நோட்டன் நகரிலுள்ள விமல சுரேந்திரத் தடுப்பணைக்கு முன்பாக வைக்கப்பட்டுள்ளது.

இந்தப் பதாதை வைக்கப்பட்டு நீண்ட காலமாவதால், பதாதைகளில் குறிப்பிடப்பட்டுள்ள வழிகாட்டல் முறைகள் அழிந்துவிட்டன.

ஹட்டன், டிக்கோயாவுக்கும் சிவனொளிபாத மலை, மஸ்கெலியாவுக்கும் செல்வதற்கான வழிமுறைகள், பதாதையில் குறிப்பிடப்பட்டுள்ளன. எனினும் அதில் குறிப்பிடப்பட்டுள்ள வழிமுறைகள் அழிந்துள்ளதால், வாகன சாரதிகள், பாதை மாறிச் சென்றுவிடுவதாகத் தெரிவிக்கப்படுகிறது.

குறிப்பாக சிவனொளி பாதமலை பருவகாலத்தில் யாத்திரை மேற்கொள்ளும் யாத்திரிகர்கள், இவ்வாறான அசௌகரியங்களை எதிர்கொண்டு வருகின்றனர் என்றுத் தெரிவிக்கப்படுகிறது.

எனவே, பயணிகள் மற்றும் யாத்திரிகர்களின் அசௌகரியங்களைத் தவிர்ப்பதற்காக, வீதி அபிவிருத்தி அதிகாரச் சபை, குறித்த இடத்தில் மீண்டுமொரு புதிய வழிகாட்டல் பதாகையை வைப்பதற்கு முன்வர வேண்டுமென்று, பிரதேச மக்கள் கோரிக்கை விடுக்கின்றனர்.