‘குடிநீர்த் திட்டத்தை விரிவுபடுத்தவும்’

-நடராசா கிருஸ்ணகுமார்

முல்லைத்தீவு – துணுக்காய், ஆரோக்கியபுரம் குடிநீர்த் திட்டத்தை விரிவுபடுத்துமாறு, ஆரோக்கியபுரம் கிராம மக்கள் கோரிக்கை விடுத்துள்ளனர்.

கடந்த இரு ஆண்டுகளுக்கு முன்னர் துணுக்காய் பிரதேச சபையால் ஆரோக்கியபுரம் கிராமத்தில் குடிநீர்த் திட்டமொன்று ஆரம்பிக்கப்பட்டு நடைமுறைப்படுத்தப்பட்டு வருகின்றது.

இத்திட்டத்தின் மூலம் ஐம்பது வரையான குடும்பங்களே பயன்பெறுகின்றன. மிகுதி ஐம்பது குடும்பங்கள் குடிநீரைப் பெற்றுக் கொள்ள முடியாத நிலைமை காணப்படுகின்றது. 

இந்நிலையில் ஏனைய ஐம்பது குடும்பங்களுக்கான குடிநீரைப் பெற்றுக் கொள்வதற்கு குடிநீர்த் திட்டத்தை விரிவுபடுத்த வேண்டும். அல்லது புதிய குடிநீர்த் திட்டத்தை நடைமுறைப்படுத்துமாறு இக்கிராம மக்களால் கோரிக்கை விடுக்கப்பட்டுள்ளது.