முல்லைத்தீவில் பேரணி

-சண்முகம் தவசீலன்

முல்லைத்தீவு மாவட்டத்தில் வலிந்து காணாமல் ஆக்கப்பட்டோரின் உறவுகளுக்கு எந்தவித தீர்வுகளும் இதுவரை  வழங்கப்படாத நிலையில், இலங்கை மெதடிஸ்த சபையினர், திருப்பணியாளர்களும் இணைந்து, பேரணியொன்றை நேற்று (31) முன்னெடுத்தனர்.

முல்லைத்தீவு இராயப்பர் ஆலய முன்றலில் இருந்து காலை 10 மணிக்கு ஆரம்பமான இப்பேரணி, முல்லைத்தீவு மாவட்ட செயலகம் வரை சென்றது.

இதையடுத்து, வடக்கு - கிழக்கில் தொடரும் போராட்டங்களுக்கு ஜனாதிபதி உடனடியாக தீர்வு வழங்க வேண்டுமென வலியுறுத்தி, முல்லைத்தீவு மாவட்ட செயலாளரிடம், ஜனாதிபதிக்கான மகஜர் ஒன்று கையளிக்கப்பட்டது.