அல்-ஜலால் பாடசாலை வீதி கொங்கிரீட் வீதியாக புனரமைக்கப்படவுள்ளது

(எம்.சி.அன்சார்)

சாய்ந்தமருது பிரதேச செயலகப் பிரிவில் விசேட கமநெகும வேலைத்திட்டத்தின் கீழ்,  அல்-ஜலால் பாடசாலை வீதி பொருளாதார அபிவிருத்தி அமைச்சின் ஒரு மில்லியன் ரூபாய் நிதியொதுக்கிட்டின் மூலம் கொங்கிரீட் வீதியாக புனரமைக்கப்படவுள்ளது.

திகாமடுல்ல நாடாளுமன்ற உறுப்பினர் எச்.எம்.எம்.ஹரீஸ், பொருளாதார அபிவிருத்தி அமைச்சர் பஸில் ராஜபக்ஷவிடம் விடுத்த வேண்டுகோளையடுத்து இந்நிதி ஒதுக்கீடு செய்யப்பட்டுள்ளது.

சுனாமி அனர்த்தத்தினால் பாதிக்கப்பட்ட இவ்வீதி புனரமைக்கப்படுவதன் மூலம் பொதுமக்கள், வியாபாரிகள், பாடசாலை மாணவர்கள் ஆகியோர் பயனடையவுள்ளனர்.