அக்கரைப்பற்று முனவ்வறா கல்லூரி மாணவன் சாதனை

-பைஷல் இஸ்மாயில்

சூடான லேசர் கதிர் மூலம் நுளம்புகளை அழிக்கும் உபகரணம் ஒன்றை அக்கரைப்பற்று முனவ்வறா ஜூனியர் கல்லூரி மாணவன் என்.ஜாஸிம் அத்னான் கண்டுபிடித்துள்ளார்.

அக்கரைப்பற்று சுகாதார வைத்திய அதிகாரி காரியாலத்தினால் நடத்தப்பட்ட புதிய கண்டு பிடிப்பாளர்களுக்கான போட்டியில் அக்கரைப்பற்று வலய  முனவ்வறா ஜூனியர் கல்லூரி மாணவன் சூடான லேசர் கதிர் மூலம் நுளம்புகளை அழிக்கும் உபகரணம் ஒன்றை கண்டுபிடித்து வலய மட்டத்தில் 1ஆவது இடத்தைப் பெற்றுள்ளார்.

அம்மாணவனை பாராட்டி கௌரவிக்கும் நிகழ்வு கல்லூரியின் அதிபர் ஏ.ஜீ.அன்வர் தலைமையில் பாடசாலை கேட்போர்கூட மண்டபத்தில் நேற்று புதன்கிழமை இடம்பெற்றது.

இந்நிகழ்வில் அக்கரைப்பற்று சுகாதார வைத்திய அதிகாரி, பாடசாலை வலய பொறுப்பாசிரியர் எம்.எச்.ஹாறுன், எம்.பி.உவைஸ் உள்ளிட்ட பலர் கலந்துகொண்டனர்.