அனுமதிப்பத்திரமின்றி எருமை மாடுகளை கொண்டு சென்றவருக்கு அபராதம்

-எம்.எஸ்.எம். ஹனீபா

சட்டவிரோதமாக சிறிய ரக உழவு இயந்திரத்தில் இரண்டு எருமை மாடுகளை கொண்டு சென்ற குற்றச்சாட்டின் பேரில் கைது செய்யப்பட்ட நபர் ஒருவருக்கு 11 ஆயிரம் ரூபாய் அபராதம் விதித்து, அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமான திருமதி நளினி கந்தசாமி இன்று (18) வியாழக்கிழமை உத்தரவிட்டுள்ளார்.

அம்பாறை, அக்கரைப்பற்று, பட்டியடிப்பிட்டி பிரதேசத்தில் இன்று வியாழக்கிழமை, சட்டவிரோதமாக சிறிய ரக உழவு இயந்திரத்தில் இரண்டு எருமை மாடுகளை கொண்டு சென்ற நபர் தொடர்பில் கிடைக்கப்பெற்ற இரகசிய தகவலொன்றையடுத்து, ஸ்தலத்துக்கு விரைந்த பொலிஸார், குறித்த நபரை கைது செய்தனர்.

கைதுசெய்யப்பட்ட நபரை அக்கரைப்பற்று மாவட்ட நீதிமன்ற நீதவானும், நீதவான் நீதிமன்ற நீதவானுமான திருமதி நளினி கந்தசாமி முன்னிலையில் ஆஜர்செய்தபோதே இவ்வாறு அபராதம் விதிக்கப்பட்டது.