ஐஸூடன் அரச உத்தியோகத்தர் கைது

அம்பாறை மாவட்டம் கல்முனை விசேட அதிரடிப்படையின் விசேட தேர்ச்சி பெற்ற  புலனாய்வு பிரிவின் தகவலுக்கமைய நீண்ட நாட்களாக சூட்சுமமான முறையில்  ஐஸ் போதைப்பொருளை மோட்டார் சைக்கிளில்  விநியோகம் செய்து வந்த  சந்தேக நபர் சாய்ந்தமருது  பிரதான வீதியில்  வைத்து செவ்வாய்க்கிழமை (3)   கைது செய்யப்பட்டுள்ளார்.

குறித்த நபர் சம்மாந்துறை பகுதியில் உள்ள கல்வி திணைக்களத்தில் பணிபுரிந்து வரும் 43  வயது மதிக்கத்தக்கவர் என தெரியவந்தள்ளது.

குறித்த சந்தேக நபர் 4 அரை  இலட்சம் ரூபாய்  பெறுமதியுடைய  25 கிராம் ஐஸ்   போதைப்பொருளை பைகளில் உறையிடப்பட்டு மிக சூட்சுமமாக கடத்தி வரப்பட்டுள்ள நிலையில் மோட்டார் சைக்கிளுடன்  கல்முனை விசேட அதிரடிப்படையினர் கைப்பற்றி இருந்தமை குறிப்பிடத்தக்கது.

அத்துடன் மேலதிக சட்ட நடவடிக்கைக்காக சாய்ந்தமருது  பொலிஸ் நிலையத்திற்கு சந்தேக நபர்  மற்றும் சான்றுப்பொருட்களை கல்முனை விசேட அதிரடிப்படையினர் ஒப்படைத்துள்ளனர்.

பாறுக் ஷிஹான்