கோமாரி மணல்சேனையில் காட்டுயானைகள் அட்டகாசம்

அம்பாறை - பொத்துவில் பிரதேச செயலாளர் பிரிவுக்குட்பட்ட கோமாரி மணல்சேனைப் கிராமத்தில், காட்டு யானைகள் புகுந்து தென்னை, பப்பாசி, வாழை, கற்றாளை மரங்களை அழித்து நாசம் செய்துள்ளதாக, தோட்ட உரிமையாளர்கள் தெரிவித்தனர்.

காட்டு யானைகள், நேற்று இரவு கிராமத்துக்குள் புகுந்து, அங்கு பயிரடப்பட்டிருந்த மேற்படி பயன்தரும் மரங்களை நாசம் செய்துள்ளதுடன், தமக்கு பாரிய நட்டம் ஏற்பட்டுள்ளதாகவும் தோட்ட உரிமையாளர்கள் தெரிவித்தனர்.

காட்டு யானைகள் தொடர்ந்தும் இவ்வாறு தோட்டங்களுக்கு இரவு வேளைகளில் புகுந்து, வாழ்வாதாரப் பயிர்களை நாசம் செய்து வருவதன் காரணமாக, தாம் பொருளாதார ரீதியாக பாதிப்புக்களை அடைந்துள்ளதுடன், மன ரீதியாகவும் சோர்வடைந்து இருப்பதாக, விவசாயிகள் தெரிவித்தனர்.