சம்பந்தனுக்கு நல்லாசி வேண்டி வழிபாடுகள்

-எஸ்.கார்த்திகேசு, ரீ.கே.றஹமத்துல்லா

எதிர்க்கட்சித் தலைவர் இரா.சம்பந்தருக்கு நல்லாசி வேண்டி, தம்பிலுவில் விவசாய அமைப்புக்களின் ஜீ.வி.ஞானசூரியத்தின் ஏற்பாட்டில் அம்பாறை, திருக்கோவில் பிரதேசத்தில் தமிழ்த் தேசியக் கூட்டமைப்பின் அம்பாறை மாவட்ட முன்னாள் வேட்பாளரும் சட்டத்தரணியுமான எஸ்.ஜெகநாதன் தலைமையில் இன்று 08ஆம் திகதி செவ்வாய்க்கிழமை காலை தம்பிலுவில் ஸ்ரீ கண்ணகி அம்மன் ஆலயத்தில் இறைவழிபாடுகள் நடைபெற்றன.

இதன்போது, ஆலய குரு கந்தையா தங்கத்துரை கப்பூகனாரினால் பூஜை வழிபாடுகள் மேற்கொள்ளப்பட்டன.

இந்நிகழ்வில், தமிழ்த் தேசியக் கூட்டமைப்பின் மூத்த உறுப்பினர்கள், ஆதரவாளர்கள் மற்றும் பொதுமக்கள் ஆகியோர் கலந்துகொண்டனர்.