சவூதி விசாவுக்கான பிராந்திய அலுவலகம் கல்முனையில்

கிழக்கு மாகாண மக்களின் நன்மை கருதி, சவூதி அரேபிய விசா சேவைகள் நிலையத்தின் பிராந்திய அலுவலகமொன்று, கல்முனையில் திறக்கப்பட்டுள்ளது.
புனித உம்றா பயணத்துக்காக மக்கா செல்வோர், இதுவரை காலமும் கொழும்பிலுள்ள சவூதி அரேபியா விசா சேவைகள் நிலையத்துக்குச் சென்று, கைவிரல் அடையாளத்தைப் பதிவு செய்து வந்தனர்.
இதனால் கிழக்கு மாகாணத்திலுள்ள மட்டக்களப்பு, அம்பாறை, திருகோணமலை மாவட்டங்களிலுள்ள மக்கள், பெரும் அசௌகரியங்களைச் சந்தித்து வந்தனர்.
இந்நிலையில், இந்தப் பிராந்திய நிலையம், கல்முனைக்குடி 13 பிரதான வீதியில் திறக்கப்பட்டுள்ளது.