சித்திர காட்சிக் கூடம் திறப்பு

வி.சுகிர்தகுமார் 

மாணவர்களின் ஆக்கத்திறனை வெளிக்கொண்டுவரும் நோக்குடன் சித்திரங்கள் அடங்கிய காட்சிக்கூடம்,  திருக்கோவில் வலயக்கல்விப்பணிப்பாளர் ஆர்.சுகிர்தராஜனின் வழிகாட்டலில் அக்கரைப்பற்று ஸ்ரீ இராமகிருஷ்ண தேசிய பாடசாலையில் நேற்று(07) திறந்து வைக்கப்பட்டது.

ஆலையடிவேம்பு கோட்டக்கல்விப் பணிப்பாளர் எஸ்.இராசமாணிக்கம் கலந்துகொண்டு திறந்து வைத்தார்;.

மாணவர்களால் வரையப்பட்ட பல சித்திரங்கள் காட்சிப்படுத்தப்பட்டிருந்தன. மேலும், இவற்றை ஒழுங்குப்படுத்தி ஒளி நாடாவாக, ஆவணமாக பதிவு செய்து வைக்குமாறும்; பணிப்பாளர் எஸ்.இராசமாணிக்கம் தெரிவித்தார்.