சிறுமியை துஷ்பிரயோகம் செய்தவருக்கு விளக்கமறியல்

-ரீ.கே. றஹ்மத்துல்லா

தங்கை முறையான 14 வயதுச் சிறுமியை, பாலியல் துஷ்பிரயோகம் செய்த 28 வயது மதிக்கத்தக்க சந்தேகநபரை, செம்டெம்பர் 01 ஆம் திகதி வரை விளக்கமறியலில் வைக்குமாறு அக்கரைப்பற்று நீதவான் நீதிமன்ற பதில் நீதவான் எஸ்.எல். அப்துல் றசீட், இன்று வியாழக்கிழமை (18) உத்தரவிட்டார்.

மேற்படி சந்தேகநபர், தனது தந்தையின் இரண்டாவது மனைவியின் மகளைத் துஷ்பிரயோகம் செய்ததாக தந்தையினால் கடந்த 2015ஆம் ஆண்டு பொலிஸில் முறைப்பாடு செய்யப்பட்டிருந்தது.

முறைப்பாட்டையடுத்து மேற்படி சந்தேகநபர் தலைமறைவாகி இருந்து வந்த நிலையில் பாலமுனைப் பிரதேசத்திலுள்ள அவரது வீட்டில் நேற்றுப் புதன்கிழமை (17) இரவு பொலிஸார் மேற்கொண்ட திடீர் சுற்றிவளைப்பின் போது கைதுசெய்யப்பட்டார்.