தென்கிழக்குப் பல்கலைக்கழத்தின் பட்டமளிப்பு விழா ஒத்திவைப்பு

எம்.எஸ்.எம். ஹனீபா

தென்கிழக்குப் பல்கலைக்கழகத்தின் 13ஆவது பொதுப்பட்டமளிப்பு விழா, காலவரையறையின்றி ஒத்திவைக்கப்பட்டுள்ளதாக, தென்கிழக்குப் பல்கலைக்கழக பதிவாளர் எச்.அப்துல் சத்தார்,  இன்று வெள்ளிக்கிழமை (13) தெரிவித்தார்.

கொரோனா வைரஸ் தாக்கம் காரணமாக, பல்கலைக்கழகங்கள் நாளை சனிக்கிழமை (14) முதல் இரண்டு வாரங்களுக்கு தற்காலிகமாக மூடுவதற்கு பல்கலைக்கழக மானியங்கள் ஆணைக்குழு தீர்மானித்துள்ளது.

இத்தீர்மானத்துக்கு இனங்க தென்கிழக்குப் பல்கலைக்கழகத்தையும் இரண்டு வாரங்களுக்கு மூடுவதற்குத் தீர்மானிக்கப்பட்டுள்ளதாகவும் கூறினார்.

எதிர்வரும் 16, 17 ஆம் திகதிகளில் நடத்துவதற்குத் திட்டமிடப்பட்டிருந்த தென்கிழக்குப் பல்கலைக்கழகத்தின் 13ஆவது பொதுப் பட்டமளிப்பு விழா, காலவரையறையின்றி ஒத்திவைக்கப்பட்டுள்ளதாக, பல்கலைக்கழகத்தின் பதிவாளர் எச். அப்துல் சத்தார் மேலும் தெரிவித்தார்.