தொழிலாளர்களின் பிரச்சினைக்குத் தீர்வு

வீதி அபிவிருத்தி அதிகார சபையின் நடமாடும் சேவையில், தொழிலாளர்களின் ஊழியர் சேமலாப நிதிய, நம்பிக்கை நிதிய விடயங்களில் காணப்படும் பல குறைபாடுகள், பிறப்புச் சான்றிதழ், தேசிய அடையாள அட்டையில் காணப்படும் குறைபாடுகளுக்கான தீர்வுகள் காணப்பட்டன.

அம்பாறை மாவட்டத்தில் கடமைபுரியும் அம்பாறைப் பிரதேச வீதிப் பராமரிப்புத் தொழிலாளர்களுக்கான நடமாடும் சேவை, அம்பாறை வேலைப்பிரிவு காரியாலயத்தில், மேலதிக மாகாணப் பணிப்பாளர் ஐ.எல். அமீனுல் பாரி தலைமையில் இன்று (21) நடைபெற்றது.

இந்த நடமாடும் சேவையில் வீதி அபிவிருத்தி அதிகார சபையின்  மேலதிக மாகாணப் பணிப்பாளர், பிரதம பொறியியலாளர் என்.ரி.எம். சிராஜுடீன், நிறைவேற்றுப் பொறியியலாளர் எம்.ஐ. நஹ்முடீன், மனித வள உதவியாளர் அசோகா மல்காந்தி, ஊழியர் நம்பிக்கை நிதிய அதிகாரிகள், தொழில் திணைக்கள அதிகாரிகள் ஆகியோர் கலந்துகொண்டனர்.