தாக்குதல் குற்றச்சாட்டில் கைதான நால்வரின் விளக்கமறியல் நீடிப்பு

-எம்.எஸ்.எம்.ஹனீபா

போதைப்பொருள் குற்றத்தடுப்பு விசேட பொலிஸாரைத் தாக்கிய மற்றும் அவர்களின்; வாகனத்தைச் சேதப்படுத்திய குற்றச்சாட்டின் பேரில் கைதுசெய்யப்பட்ட 4 பேரினதும் விளக்கமறியல் எதிர்வரும் 20ஆம் திகதிவரை நீடிக்கப்பட்டுள்ளது.

ஏற்கெனவே விளக்கமறியலில் வைக்கப்பட்டுள்ள இச்சந்தேக நபர்களை நேற்று (6) மீண்டும் சம்மாந்துறை நீதவான் நீதிமன்ற நீதவான் எச்.எம்.எம்.பஸீல் முன்னிலையில் ஆஜர்படுத்தியபோதே, இவர்களுக்கான விளக்கமறியலை நீதவான் நீடித்துள்ளார்.

சம்மாந்துறையிலுள்ள வீடு ஒன்றில் கஞ்சா விற்பனை இடம்பெறுவதாக கடந்த ஜுலை  17ஆம் திகதி அம்பாறை போதைப்பொருள் குற்றத்தடுப்புப்  பொலிஸாருக்குத் தகவல் கிடைத்தது. இதனை அடுத்து, அங்கு சென்ற பொலிஸார் மீது இச்சந்தேக நபர்கள் தாக்குதல் நடத்தியதுடன், அவர்கள் வாகனத்தைச் சேதப்படுத்தியும் உள்ளனர்.