போலி நாணயத்தாளுடன் ஒருவர் கைது

எம்.எஸ்.எம். ஹனீபா, கனகராசா சரவணன்

அம்பாறை, ஒலுவில் பிரதேசத்தில் போலி நாணயத்தாள் 5,000 ரூபாய் ஒன்றுடன் சந்தேகநபர் ஒருவர் கைது செய்யப்பட்டுள்ளதோடு, போலி நாணயத்தாள் அச்சிடும் உபகரணங்களும், அம்பாறை இரகசியப் பொலிஸாரால் கைப்பற்றப்பட்டுள்ளன.

இரகசியப் பொலிஸாருக்குக் கிடைத்த தகவலையடுத்து, இன்று (24) மேற்கொண்ட சுற்றி வளைப்பின் போது, தன்வசம் 5,000 ரூபாய் போலி நாணயத்தாள் வைத்திருந்த குற்றச்சாட்டின் பேரில், குறித்த நபர் கைது செய்யப்பட்டிருந்தார்.

இதையடுத்து, சந்தேக நபரின் வீட்டை பரிசோதித்த போது, போலி நாணயத்தாள் அச்சிடும் பிரிண்டர் ஒன்றும், போலி நாணயத்தால் தயாரிக்கப்படும் தாள்களும், ஒளி நாடா ஒன்றும் கைப்பற்றப்பட்டுள்ளதாக, பொலிஸார் தெரிவித்தனர்.

மேலதிக விசாரணையை, அம்பாறை இரகசியப் பொலிஸார் மேற்கொண்டுள்ளனர்.