மக்களிடம் கருத்துப் பெறல்

சம்மாந்துறை பிரதேச சபையின் 2020ஆம் ஆண்டுக்கான வரவு – செலவுத்திட்டத்தை மக்கள் பங்களிப்புடனான வரவு - செலவுத்திட்டமாக தயாரிப்பதற்காக மக்களின் கருத்துகளையும் ஆலோசனைகளையும் பெறும் வேலைத்திட்டம் முன்னெடுக்கப்பட்டுள்ளதாக, சம்மாந்துறை பிரதேச சபையின்  தவிசாளர் ஏ.எம். முஹம்மட் நௌஷாட் தெரிவித்தார்.    

இதற்கமைவாக, சம்மாந்துறை பிரதேச சபையின் கீழுள்ள 19 சனசமூக நிலையங்களின் நிர்வாகப் பிரதிநிகளிடம் கருத்துகள், ஆலோசனை நடவடிக்கைகள் ஆரம்பிக்கப்பட்டுள்ளதாகவும் தெரிவித்தார்.

இவ்வாறு பொதுமக்கள், சனசமூக நிலையங்களின் பிரதிநிதிகள் ஆகியோர்களிடம் மக்களின் தேவைகள், அபிவிருத்தித் திட்டங்கள் போன்ற கருத்துகளும், ஆலோசனைகளும் பெறப்பட்டு, பிரதே சபை உறுப்பினர்களின் பங்களிப்புடன் சபை அமரிவில் சமர்ப்பிக்கப்படுமெனவும் தெரிவித்தார்.

பொதுமக்களின் பங்களிப்புடன் நிறைவேற்றப்படும் 2020ஆம் ஆண்டுக்கான வரவு -செலவுத்திட்டம் எவ்விதமான பிரச்சினைகளும் ஏற்படாத வண்ணம் நிறைவேற்றப்பமெனவும் தவிசாளர் தெரிவித்தார்.    

பொதுமக்களின் கருத்துகள், ஆலோசனைகளைப் பெறுவதற்காக பிரதேச சபையின் செயலாளர், உள்ளூராட்சி உதவியாளர் சனசமூக அபிவிருத்தி உத்தியோகத்தரகள், சனசமூக நிலையங்களின் தலைவர்கள், செயலாளர்கள் ஆகியோர் ஈடுபட்டுள்ளதாகவும் தவிசாளர் ஏ.எம்.முஹம்மட் நௌஷாட் மேலும் தெரிவித்தார்.