மது போதையில் மோட்டார் சைக்கிள் செலுத்தியவருக்கு கடூழிய சிறைத் தண்டனை

-எம்.எஸ்.எம். ஹனீபா

மது போதையில் மோட்டார் சைக்கிள் செலுத்திய நபருக்கு அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம்.பஸீல் இன்று புதன்கிழமை ஒரு வருட கடூழிய சிறைத்தண்டனையும் 21,500 ரூபாய் அபராதமும் விதித்து தீர்ப்பளித்துள்ளார்.

அம்பாறை, ஆலையடிவேம்பு பிரதேசத்தில் நேற்று செவ்வாய்க்கிழமை மது போதையில் மோட்டார் சைக்கிளை செலுத்தி வந்த போதே குறித்த நபர் அக்கரைப்பற்றுப் பொலிஸாரால் கைது செய்யப்பட்டார்.

கைது செய்யப்பட்ட நபரை அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம்.பஸீல் முன்னிலையில் ஆஜர் செய்தபோதே இவ்வாறு தீர்ப்பளிக்கப்பட்டது.