மாடிக்கட்டடம் நிர்மாணிக்க நிதி ஒதுக்கீடு

-பைஷல் இஸ்மாயில்,பி.எம்.எம்.ஏ.காதர்

மருதமுனை பிரதேச வைத்தியசாலையில் 03 மாடிக் கட்டடம் நிர்மாணிப்பதற்கு 60 மில்லியன் ரூபாய் நிதி ஒதுக்கப்பட்டுள்ளதாக சுகாதாரப் பிரதியமைச்சர் பைஷால் காசீம் தெரிவித்தார்.

அத்துடன், வைத்தியசாலையிலுள்ள குறைபாடுகளை தீர்ப்பதற்கான நடவடிக்கையை மேற்கொண்டுவருவதாகவும் அவர் கூறினார்.

இந்த வைத்தியசாலைக்கு சுகாதாரப் பிரதியமைச்சர் பைஷால் காசீம் தலைமையிலான குழுவினர் வருகைதந்து, அங்குள்ள பிரச்சினைகள்; தொடர்பில் ஆராய்ந்தனர். வைத்தியசாலைப் பொறுப்பதிகாரி வைத்தியர் ஏ.எல்.எம்.மிஹ்ழார் தலைமையில் நடைபெற்ற சந்திப்பின்போதே, அவர் இதனைக் கூறினார்.

இந்த வைத்தியசாலையில் பூரணப்படுத்தப்படாதுள்ள  கட்டட வேலைகளை பூரணப்படுத்த நிதி ஒதுக்கப்படுமெனவும் அவர் கூறினார்.