23 ஆயிரம் பேர் வரட்சியால் பாதிப்பு

-எம்.எஸ்.எம்.ஹனீபா

அம்பாறை மாவட்டத்தில் 23 ஆயிரம் பேர் வரட்சியால் பாதிக்கப்பட்டுள்ள நிலையில், இவர்களுக்கு பிரதேச செயலகங்கள் ஊடாக பவுசர்களில் குடிநீர் விநியோகித்து வருவதாக அனர்த்த முகாமைத்துவ மத்திய நிலையத்தின அம்பாறை மாவட்ட உதவிப் பணிப்பாளர் ஏ.எஸ்.எம்.சியாத்   புதன்கிழமை தெரிவித்தார்.

பொத்துவில், திருக்கோவில், அக்கரைப்பற்று, சம்மாந்துறை, ஆலையடிவேம்பு, நாவிதன்வெளி இறக்காமம், அம்பாறை நாமலோயா, லாகுகல, பதியத்தலாவ, மஹாஓயா, உகண ஆகிய பிரதேச செயலாளர் பிரிகளிலுள்ள மக்களே வரட்சியால் பாதிக்கப்பட்டுள்ளதாக அறிக்கை சமர்ப்பிக்கப்பட்டுள்ளது.

குடிநீர் விநியோகத்துக்காக அனர்த்த முகாமைத்துவ அமைச்சு அம்பாறை மாவட்டத்துக்கு முதற்கட்டமாக 1.3 மில்லியன் ரூபாய் நிதி ஒதுக்கீடு செய்துள்ளதாகவும் அவர் கூறினார்.