உள்ளூர்த் துப்பாக்கியுடன் ஒருவர் கைது

-எம்.எஸ்.எம்.ஹனீபா

பொத்துவில், தாறாம்பளை வயல் வெளியில்  உள்ளூர்த்;  துப்பாக்கி ஒன்றை வைத்திருந்ததாகக் கூறப்படும் 55 வயதுடைய ஒருவரை நேற்று (28) கைதுசெய்ததாகப்  பொலிஸார் தெரிவித்தனர்.

தாறாம்பளைக் காட்டுப்பகுதிக்கு மேற்படி நபர் துப்பாக்கியுடன் வேட்டையாடச்; செல்வதாக விசேட அதிரடிப் படையினருக்குத் தகவல் கிடைத்தது.

இதனை அடுத்து, குறித்த இடத்துக்குச் சென்று இச்சந்தேக நபரை விசேட அதிரடிப் படையினர் கைதுசெய்து தம்மிடம் ஒப்படைத்ததாகவும் பொலிஸார் கூறினர்.