ஒலுவில் கடலரிப்பை பார்வையிடச் சென்ற குழுவினர் வழிமறிப்பு

-ரீ.கே.றஹ்மத்துல்லா

அம்பாறை, ஒலுவில் கடற்கரைப் பிரதேசத்தில் ஏற்பட்டுள்ள  கடலரிப்பைத் தடுக்கும் நடவடிக்கையின் பொருட்டு இன்று ஞாயிற்றுக்கிழமை (18) அங்கு சென்ற கிழக்கு மாகாண சுகாதார அமைச்சர்  ஏ.எல்.எம்.நஸீர் தலைமையிலான குழுவினரை, அப்பிரதேச மக்கள் திரும்பிச் செல்லவிடாது வழிமறித்துத் தடுத்ததில் பதற்றமான சூழ்நிலை ஏற்பட்டுள்ளது.

அப்பிரதேச மக்களும் மீனவர்களும் கடற்கரைக்குச் செல்லும் வழியை மறித்து கட்டைகள், கற்கள் ஆகியவற்றை இக்குழுவினர் திரும்பிச் செல்லவிடாது வழிமறித்துள்ளனர்.

கடலரிப்புக் காரணமாக ஒலுவில் பிரதேசம் கடுமையாக பாதிக்கப்பட்டு வருவதுடன், இப்பிரதேச மக்களின் வாழ்வாதாரமும் பாதிக்கப்பட்டுள்ளது.

இக்கடலரிப்பை அரசியல்வாதிகள் பலர் பல தடவைகள் வந்து பார்வையிட்டுச் சென்றுள்ளனரே தவிர, ஆக்கபூர்வமான நடவடிக்கை எதையும் அவர்கள் இதுவரையில் எடுக்கவில்லை என அப்பிரதேச மக்கள் தெரிவித்தனர்.

தமது பிரதேசம் தொடர்ந்து கடலரிப்பால் பாதிக்கப்பட்டு வருவதைத் தடுப்பதற்கு காத்திரமான நடவடிக்கையை எடுக்கும்வரை அவர்களை அவ்விடத்திலிருந்து செல்வதற்கு விடமாட்டோம் எனவும் அவர்கள் கூறினர்.

இக்கடலரிப்பை அரசியல்வாதிகள் பலர் பல தடவைகள் வந்து பார்வையிட்டுச் சென்றுள்ளனரே தவிர, ஆக்கபூர்வமான நடவடிக்கை எதையும் அவர்கள் இதுவரையில் எடுக்கவில்லை என அப்பிரதேச மக்கள் தெரிவித்தனர்.