தீர்வை வேண்டி பிரதேச செயலக கூரையில் ஏறி ஆர்ப்பாட்டம்

-வசந்த சந்திரபால

தனது காணிக்கான தீர்வினை பெற்றுத்தருமாறு கோரி அம்பாறை,உகன பிரதேச செயலகத்தின் கூரையின் மேலேறி ஒருவர் ஆர்ப்பாட்டத்தில் ஈடுப்பட்ட சம்பவமொன்று இன்று புதன்கிழமை இடம்பெற்றுள்ளது.

உகன பிரதேசத்தைச் சேர்ந்த என்.பியதாச என்பவரே இவ்வாறு ஆர்ப்பாட்டத்தில் ஈடுபட்டார்.

உகன பொலிஸ் நிலையப் பொறுப்பதிகாரி பிரியந்த பண்டார குறித்த நபரிடம்  பேச முற்பட்டபோது,'பல ஆண்டுகளாக இந்த காணி குறித்த தீர்வினை பெற்றுக்கொள்ள முடியாத நிலையில் அழைந்து திரிவதாகவும் தீர்வு கிடைக்கும் வரையில் தான் கூரையிலிருந்து இறங்கப் போவதில்லை எனவும் பெற்றுத்தராத பட்சத்தில் விஷம் அருந்தி தற்கொலை செய்துகொள்வதாகவும் தெரிவித்தார்.

குறித்த காணி பிரச்சினை தொடர்பில் உடன் நடவடிக்கை எடுப்பதாக பிரதேச செயலக தலைவர் உறுதிமொழி வழங்கியதையடுத்து குறித்த நபர் கூரையிலிருந்து இறங்கினார்.