ஹெரோய்ன் வைத்திருந்தவருக்கு விளக்கமறியல்

-கனகராசா சரவணன்

அம்பாறை நகரப்பகுதியில் 04 பக்கெட்; ஹெரோய்ன் வைத்திருந்த குற்றச்சாட்டின் பேரில் நேற்று சனிக்கிழமை இரவு  கைதுசெய்யப்பட்ட நபரை 14 நாட்களுக்கு விளக்கமறியலில் வைக்குமாறு அம்பாறை நீதவான் நீதிமன்ற நீதவான் ஹேமந்த பெரோரா இன்று ஞாயிற்றுக்கிழமை; உத்தரவிட்டுள்ளார்.

விசேட போதைப்பொருள் ஒழிப்பு பிரிவினருக்கு கிடைத்த தகவலைத் தொடர்ந்து இந்த நபரிடம் சோதனை மேற்கொண்டபோது,  அவரிடம் 98 மில்லிக்கிராம் ஹெரோய்ன் கண்டுபிடிக்கப்பட்டது. இதனைத் தொடர்ந்து ஹெரோய்னுடன் சந்தேக நபரை கைதுசெய்யப்பட்டு, அம்பாறை நகர பொலிஸ் நிலையத்தில் ஒப்படைக்கப்பட்டார்.