1,008 காயகல்ப மூலிகைகளை கொண்ட யாகம்

அம்பாறை, அக்கரைப்பற்று ஸ்ரீ வீரமாகாளி அம்மன் ஆலயத்தில் 1,008 காயகல்ப மூலிகைகளை கொண்ட அதிசக்தி வாய்ந்த பிரளய காளி மகாயாகம், எதிர்வரும் வெள்ளிக்கிழமை (03) நடைபெறவுள்ளது.

அன்றைய தினம் “சித்தர்களின் குரல்” சிவசங்கர் ஜயா உள்ளிட்ட பல சித்தர்கள் கலந்துகொண்டு மகா யாகத்தை நடத்தி வைப்பதுடன், அடியவர்களுக்கான அன்னதானமும் வழங்கப்படவுள்ளது.

நாட்டினதும் மக்களினதும் நன்மைக்காகப் பிரார்த்தித்து வருடத்தில் ஒருமுறை நடைபெறும் இம்மகா யாகத்தில் பக்தர்கள்  கலந்துகொள்ளுமாறு, ஆலய நிருவாகத்தினர் அழைக்கின்றனர்.