சாய்ந்தமருது வைத்தியசாலையில் எக்ஸ்ரேய் பிரிவு ஆரம்பிப்பதற்கான கலந்துரையாடல்

(அப்துல் அஸீஸ்)

யூ.என்.ஹபிடாட் நிறுவனத்தின் அனுசரணையுடன் சாய்ந்தமருது மாவட்ட வைத்தியசாலையில் எக்ஸ்ரேய் பிரிவு ஆரம்பிப்பதற்கான கலந்துரையாடலொன்று நேற்று வியாழக்கிழமை சாய்ந்தமருது மாவட்ட வைத்தியசாலையில் நடைபெற்றது.

இதில் யூ.என்.ஹபிடாட் நிறுவனத்தின் தேசிய திட்டமிடல் முகாமையாளர் எம்.பஹ்மி, சாய்ந்தமருது மாவட்ட வைத்திய அதிகாரி டாக்டர் எம்.ரி. இப்றாஹிம் உட்பட வைத்தியசாலை அபிவிருத்திக்குழு செயலாளர் றியாத் ஏ.மஜீத் ஆகியோர் கலந்து கொண்டனர்.

சாய்ந்தமருது மாவட்ட வைத்தியசாலையில் எக்ஸ்ரேய் பிரிவு இல்லாமையினால் அங்கு தங்கி சிகிச்சை பெறுபவர்கள் மிகவும் சிரமத்திற்குள்ளாகி வருகின்றமை குறிப்பிடத்தக்கது.