ஜனாதிபதிக்கும் நாட்டு மக்களுக்கும் நல்லாசி வேண்டி விசேட பூஜைகள்

(எஸ்.எம்.எம்.றம்ஸான்)

ஜானாதிபதிக்கும் நாட்டு மக்களுக்கும் நல்லாசி வேண்டியும் அந்நிய நாடுகளின்; தீய சக்திகளின் சூழ்ச்சிகளில் இருந்து எமது தாய் நாட்டை  பாதுகாக்க வேண்டுமென்று கோரியும் விசேட பூஜை வழிபாடுகள் இன்று செவ்வாய்க்கிழமை காலை கல்முனைப்பிரதேச இந்து ஆலயங்களில் இடம்பெற்றன.

கல்முனை பொலிஸ் நிலைய பொறுப்பதிகாரி டி.ஜெய நானயக்கார தலைமையில் கல்முனை பொலிஸ் நிலையத்தின் பொது மக்கள் தொடர்பாடல் பிரிவு அதிகாரி ஆரியவர்த்தனவின் வழிகாட்டலில் கல்முனை பிரதேச இந்து சமய ஆலயங்களின் பரிபாலன சபையின் அனுசரனையில் இந்நிகழ்வுகள் இடம்பெற்றன.

பாண்டிருப்பு ஸ்ரீ மாணிக்கப்பிள்ளையார் ஆலயம், பெரிய நீலாவணை ஸ்ரீ மகா விஷ்ணு ஆலயம், பாண்டிருப்பு ஸ்ரீ சித்தி விநாயகர் ஆலயம், ஸ்ரீ அரசடி அம்பாள் ஆலயம் போன்றவற்றில் இவ்விஷேட பூஜைகள் இடம்பெற்றன.

இதேவேளை, இன்று மாலை கல்முனை முருகன் ஆலயத்திலும் இந்நிகழ்வு இடம்பெறவுள்ளதாக கல்முனை பொலிஸ் நிலையத்தின் பொது மக்கள் தொடர்பாடல் பிரிவுப் பொறுப்பதிகாரி ஏ.எல்.நபீல் தெரிவித்தார்.