குறைந்தளவு கூலி வழங்கப்படுவதால் விசனம்

(ஹனீக் அஹமட்)

அம்பாறை கல்மடுவ பகுதியில் கரும்பு அறுவடையில் ஈடுபடும் தொழிலாளர்களுக்கு குறைந்தளவான கூலி வழங்கப்படுவதாகத் தெரிவிக்கப்படுகிறது.

இங்கு கரும்பு அறுவடையில் ஈடுபடும் தொழிலாளர் ஒருவருக்கு நாட்கூலியாக 475 ரூபாவே வழங்கப்படுவதாக தொழிலாளர்கள் சிலர் கவலை தெரிவித்தனர்.

இப்பகுதியில் சுமார் 159 ஹெக்ரயர் நிலப்பரப்பில் கரும்பு உற்பத்தி செய்யப்பட்டுள்ளதாகவும், அறுவடை செய்யப்படும் கரும்புகள் ஹிங்குறான சீனி உற்பத்தித் தொழிற்சாலைக்குக் கொண்டு செல்லப்படுவதாகவும் அதிகாரியொருவர் தெரிவித்தார்.

சாதாரணமாக, வேறு தொழில்களில் ஈடுபடும் தொழிலாழியொருவருக்கு இப் பகுதியில் நாட்கூலியாக 800 ரூபாய் வழங்கப்படுகின்றமை குறிப்பிடத்தக்கது.