அக்கரைப்பற்று விபத்தில் ஐவர் படுகாயம்

-ரீ.கே.றஹ்மத்துல்லா

அம்பாறை, அக்கரைப்பற்றிலிருந்து பொத்துவில் நோக்கிச் சென்றுக் கொண்டிருந்த முச்சக்கர வண்டி குடைசாய்ந்து விபத்துக்குள்ளானதில் இரண்டு சிறுவர்கள் உட்பட ஐவர் படுகாயமடைந்த நிலையில் அக்கரைப்பற்று ஆதார வைத்தியசாலையில் அனுமதிக்கப்பட்டுள்ளனர்.

அக்கரைப்பற்று பொலிஸ் பிரிவுக்குட்பட்ட அக்கரைப்பற்று-பொத்துவில் பிரதான வீதியின் 40ஆம் கட்டை எனும் இடத்தில் இன்று (14) இவ்விபத்து இடம்பெற்றுள்ளதாகவும் முச்சக்கர வண்டி கட்டுப்பாட்டை இழந்தமையே விபத்துக்கு காரணம் எனவும் பொலிஸார் தெரிவித்துள்ளனர்.

இது தொடர்பான மேலதிக விசாரணைகளை அக்கரைப்பற்று பொலிஸார் மேற்கொண்டுவருகின்றனர்.