நிரந்தர நியமனம் கோரி தொண்டர் ஆசிரியர்கள் ஆர்ப்பாட்டம்

-பைஷல் இஸ்மாயில்

கிழக்கு மாகாணத்தின் மூன்று மாவட்டங்களிலும் பல வருடகாலமாக தொண்டர் ஆசிரியர்களாக பணிபுரியும் ஆசிரியர்கள், நிரந்தர நியமனம் கோரி இன்று (31) காலை கிழக்கு மாகாணசபை முன்றலில் ஆர்ப்பாட்டத்தில் ஈடுபட்டனர்.

ஆர்ப்பாட்டத்தில் ஈடுபட்ட தொண்டர் ஆசிரியர்களை கிழக்கு மாகாணசபை முதலமைச்சர் ஹாபிஸ் நஸீர் அஹமட், ஆர்ப்பாட்ட இடத்துக்குச் சென்று அவர்களைச் சந்தித்து அவர்களின் கோரிக்கைகளை ஏற்று, ஒரு மாத காலத்துக்குள் நிரந்தர தீர்வொன்றினை பெற்றுத்தருவதாக வாக்குறுதியளித்தார்.

முதலமைச்சரின் வாக்குறுதியை ஏற்று, ஆர்ப்பாட்டத்தில் ஈடுபட்டவர்கள் தங்களின் ஆர்ப்பாட்டத்தை கைவிட்டனர்.