பொத்துவில் அல்- அக்ஸா வித்தியாலயம் சாதனை

-எம்.ஏ. தாஜகான்

இம்முறை  வெளியான க.பொ.த சாதாரணப் பரீட்சை பெறுபேறுகளின் அடிப்படையில் பொத்துவில் உப வலய பாடசாலைகளில் பொத்துவில் அல்- அக்ஸா வித்தியாலயம் சாதனை படைத்துள்ளது.

இவ்வித்தியாலயத்தில் இம்முறை 18 மாணவர்கள் பரிட்சைக்குத் தோற்றி 18 பேரும் சித்தியடைந்துள்ளனர். இதில் ஏ.சி.எம். சாஜித் 9ஏ சித்தி பெற்று பாடசாலைக்கு பெறுமை சேர்த்துள்ளார்.
 
பொத்துவில் உபவலய பாடசாலையின் உயர் பெறுபேறான 9ஏ சித்தி இப்பாடசாலையில் என்பது குறிப்பிடத்தக்கது.

ஆசிரியர் பற்றாக்குறை தொடர்ந்தும் நிலவி வரும் இப்பாடசாலையில், தமிழ் பாடத்தில் 100 சதவீத சித்தியும், வரலாறு பாடத்தில் 100 சதவீத சித்தியும், இஸ்லாம் பாடத்தில்  100 சதவீதசித்தியும், கணிதம் பாடத்தில் 95 சதவீதமும் விஞ்ஞானபாடத்தில் 73 சதவீத சித்தியும், ஆங்கில பாடத்தில் 56 சதவீத சித்தியும் பெற்று மாணவர்கள் சாதனை நிலை நாட்டியுள்ளனர்.

முதலாம் பெறுபேறு ஏசிம். சாஜித் 9ஏ, இரண்டாம் நிலை எம்.ஏ. சௌபியா 6ஏ2பீ1சீ, முன்றாம் நிலை ஏ.எஸ்.சஹ்பானத்  5ஏ2பீ2சீ  சித்திகளை பெற்றுள்ளமை குறிப்பிடத்தக்கது.

இ;வ்வெற்றிக்கு பங்களிப்பு செய்த ஆசிரியர்களையும், குறிப்பாக வழிகாட்டிய அதிபர் எம்.ஏ.சி றஹ்மத்துல்லாஹ், வகுப்பாசிரியர் எம்.எம்.அமினுல்லாஹ் ஆகியோருக்கும் நன்றிகளை பாடசாலை அபிவிருத்திச் சங்கத்தினர் தெரிவிக்கின்றனர்.