ஆற்றில் குளித்த இளைஞன் நீரில் மூழ்கி பலி

-ஏ.எச்.ஏ. ஹுஸைன்

மட்டக்களப்பு மாவட்டம் கரடியனாறு பொலிஸ் பிரிவிலுள்ள சந்தனமடு ஆற்றில் குளித்துக் கொண்டிருந்த 24 வயது இளைஞர் ஞாயிற்றுக்கிழமை (26) பிற்பகல் நீரில் மூழ்கி மரணமடைந்துள்ளதாக கரடியனாறு பொலிஸார் தெரிவித்தனர்.

செங்கலடி - குமாரவேலியார் கிராமத்தைச் சேர்ந்த குமாரசாமி சியாமரன் என்பவரே மரணமடைந்தவராகும்.

சடலம் பிரேத பரிசோதனைக்காக செங்கலடி பிரதேச வைத்தியசாலைக்குக் கொண்டு செல்லப்பட்டுள்ளதாகவும் இச்சம்பவம் குறித்து பொலிஸார் மேலதிக விசாரணைகளில் ஈடுபட்டுள்ளனர்.