கட்டாக்காலி மாடுகளின் தொல்லை அதிகரித்துள்ளதாக மக்கள் விசனம்

-எம்.எஸ்.எம். ஹனீபா 

அம்பாறை, நிந்தவூர் பிரதேசத்தில் அக்கரைப்பற்று- கல்முனை பிரதான வீதியில் கட்டாக்காலி மாடுகளின் தொல்லை அதிகரித்து காணப்படுவதால் வீதி விபத்துக்கள் ஏற்படுவதாக மக்கள் விசனம் தெரிவிக்கின்றனர்.

இரவிலும் பகவிலும் வீதியின் நடுவில் கட்டாக்காலி மாடுகள் நிற்பதால் வாகன நெரிசல் ஏற்படுவதோடு, தாம் பல அசௌகரிகங்களை எதிர்கொள்வதாக பிரயாணிகள் தெரிவிக்கின்றனர்.

இம் மாடுகளின் தொல்லையை கட்டுப்படுத்த நிந்தவூர் பிரதேச சபை மற்றும் பொலிஸார் ஆகியோர், கால்நடை வளர்ப்பாளர்களுக்கு எதிராக நடவடிக்கை எடுக்க வேண்டுமென மக்கள் கேட்டுள்ளனர்.