மேச்சல் தரை ஒதுக்கீடும் விலங்கு வேளாண்மையும் தொடர்பான கலந்துரையாடல்

-ஏ.எச்.ஏ. ஹுஸைன்

மேச்சல் தரை ஒதுக்கீடு மற்றும் விலங்கு வேளாண்மை தொடர்பான கலந்துரையாடல், மட்டக்களப்பு வாகரைப் பிரதேச செயலாளர் எஸ்.ஆர். ராகுலநாயகி தலைமையில் பிரதேச செயலகத்தின் மாநாட்டு மண்டபத்தில் திங்கட்கிழமை (27) நடைபெற்றது.

இதன்போது, மேச்சல் தரை ஒதுக்கீடு, கால்நடை பண்ணையாளர் சங்க பதிவுகள், காட்டுயானை வேலி, குளங்கள் புனரமைப்பு போன்ற அபிவிருத்திச் செயற்பாடுகள்; பற்றி கலந்தாலோசிக்கப்பட்டன.

இக்கலந்துரையாடலில், பிரதேச விவசாயிகள் தாம் எதிர்நோக்கும் பிரச்சினைகளை அதிகாரிகளின் கவனத்துக்கு கொண்டு வந்தனர்.  

இந்நிகழ்வில் கிழக்கு மாகாண விவசாயம், கால்நடை உற்பத்தி  அபிவிருத்தி அமைச்சர் கே. துரைராசசிங்கம், கிழக்கு மாகாண சபை உறுப்பினர் கௌரவ எஸ். துரைரெட்ணம், வாகரைப் பிரதேச செயலாளர் எஸ்.ஆர். ராகுலநாயகி, திட்டமிடல் உதவிப் பணிப்பாளர் ஆர். கங்காதரன், கமநல சேவைகள், கால்நடை உற்பத்தி சுகாதாரம், வனபரிபாலனம், சுற்றாடல் அதிகாரசபை கரையோரம் பேணல் திணைக்கள அதிகாரிகளும் பொலிஸாரும் பண்ணையாளர்களும் விவசாயிகளும் கலந்து கொண்டனர்.