கிராம அபிவிருத்தி சங்கத்தின் புதிய நிர்வாக சபை தெரிவு

-எஸ்.எம்.அறூஸ்

அட்டாளைச்சேனை 16ஆம் பிரிவின் கிராம அபிவிருத்தி சங்கத்தின் வருடாந்த பொதுக்கூட்டம், புதன்கிழமை (29) கிராம அபிவிருத்திச் சங்க மண்டபத்தில் நடைபெற்றது.

2015ஆம் ஆண்டுக்கான புதிய நிர்வாக சபைத் தெரிவு இதன்போது இடம்பெற்றது.

தலைவராக அட்டாளைச்சேனை பிரதேச சபையின் முன்னாள் உறுப்பினர் பி.கைறுத்தீன் தெரிவு செய்யப்பட்டார். செயலாளராக எம்.ஐ.நிலாம் மற்றும் பொருளாளராக ஏ.எல்.எம்.முபஷ்ஷிர் ஆகியோரும் தெரிவு செய்யப்பட்டனர்.

இக்கூட்டத்தில் கிராம அபிவிருத்தி உத்தியோகஸ்தர் ஏ.ஏ.ஜாபீர், கிராம சேவை உத்தியோகஸ்தர் எம்.ஜிப்ரி ஆகியோர் கலந்துகொண்டு சிறப்பித்தனர்.