கோல் சீல் ரக சிகரெட் வைத்திருந்தவருக்கு அபராதம்

-எம்.எஸ்.எம். ஹனீபா 

அக்கரைப்பற்று பிரதேசத்தில் சட்டவிரோதமாக கோல் சீல் ரக சிகரெட் 65 வைத்திருந்த நபருக்கு அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம். பஸீல், 7,500 ரூபாய் அபராதத்தை நேற்று திங்கட்கிழமை (29) விதித்தார் 

குறித்த நபர், அக்கரைப்பற்று பிரதேசத்தில் சட்டவிரோதமாக கோல் சீல் ரக சிகரெட் 65 வைத்திருந்தமை தொடர்பில் அக்கரைப்பற்று பொலிஸாருக்கு கிடைக்கப்பெற்ற இரகசிய தகவலொன்றின் அடிப்படையில் ஸ்தலத்துக்கு விரைந்த பொலிஸார் இவரை நேற்று (28) கைது செய்துள்ளனர்.

கைது செய்யப்பட்ட நபரை நீதிமன்றத்தில் ஆஜர்படுத்தப்பட்ட போதே நீதவான் மேற்படி அபராதத்தை விதித்தார்.