டைனமைட் வெடிபொருட்களுடன் நான்கு மீனவர்கள் கைது

சட்டவிரோதமான முறையில் டைனமைட் வெடிபொருளை பயன்படுத்தி மீன்பிடி நடவடிக்கையில் ஈடுபட தயாராகவிருந்த நான்கு மீனவர்களை அக்கரைப்பற்று பொலிஸார், இன்று வெள்ளிக்கிழமை (03) நண்பகல் கைதுசெய்தனர்.

அக்கரைப்பற்று பொலிசாருக்கு கடற்படையினர் வழங்கிய இரகசிய தகவலையடுத்து ஒலுவில் துறைமுகத்தில் வைத்து குறித்த  மீனவர்களை கைதுசெய்ததாக பொலிஸார் கூறினர்.

கைதுசெய்யப்பட்டவர்களிடம் இருந்து 3 டைனமைட் வெடிபொருட்களையும் அலியா படகையும் கைப்பற்றியதாக பொலிஸார் குறிப்பிட்டனர். தெரிவித்தனர்.

கைதுசெய்யப்பட்டவர்கள் அம்பாந்தோட்டை, திக்வெல்லை பிரதேசங்களை சேர்ந்தவர்கள் எனவும் அவர்களை அக்கரைப்பற்று நீதவான் நீதிமன்றத்தில் ஆஜர்படுத்த நடவடிக்கை எடுத்துள்ளதாகவும் பொலிஸார் கூறினர்.