விபத்தில் சிறுவன் மரணம்

-ஏ.எச்.ஏ.ஹுஸைன்

அம்பாறை. சுதுவெல்ல பகுதியில்  இன்று ஞாயிற்றுக்கிழமை  இடம்பெற்றுள்ள விபத்தில்  17 வயதுடைய  சிறுவன்  ஒருவன் உயிரிழந்துள்ளதாக பொலிஸார் தெரிவித்தனர்.

 இவன்  பயணித்த மோட்டார் சைக்கிள் பஸ் ஒன்றுடன் நேருக்குநேர் மோதியதால் இவ்விபத்து இடம்பெற்றுள்ளதாக பொலிஸார் தெரிவித்தனர்.

விபத்தில் பலத்த காயமடைந்த சிறுவன்  அம்பாறை வைத்தியசாலையில் அனுமதிக்கப்பட்டதன் பின்னர் சிகிச்சை பயனின்றி உயிரிழந்துள்ளார்.

இவ்விபத்துடன் தொடர்புடைய பஸ்ஸின் சாரதி கைதுசெய்யப்பட்டுள்ளதுடன், அம்பாறை பொலிஸார் விபத்து தொடர்பில் விசாரணைகளையும் மேற்கொண்டு வருகின்றனர்.