கஞ்சா சாகுபடியும் போதைப்பொருள் ஒழிப்பு திட்டமும்

‘முழு நாடும் ஒன்றாக’ எனும் தொனிப்பொருளின் கீழ், போதைப்பொருளுக்கு எதிரான திட்டம் முன்னெடுக்கப்படும் அதே நேரத்தில், முதலீட்டு வலயங்களில் கஞ்சா சாகுபடி செய்வதற்கு அரசாங்கம் அனுமதியளித்து. போதைப்பொருள் சுற்றிவளைப்பின் போது, இந்த தொகை கஞ்சா கைப்பற்றப்பட்டதாக பொலிஸ் ஊடகப் பிரிவும் அறிவித்துள்ளது. 

ஒரு சீன கல்லறையில் கஞ்சா நுகர்வு 2,500 ஆண்டுகளுக்கு முன்பே இருந்ததற்கான ஆதாரங்களைச் சீன விஞ்ஞானிகள் குழு சமீபத்தில் கண்டறிந்துள்ளது. கஞ்சா என்பது  மனோவியல் சார்ந்த சேர்மத்தைக் கொண்ட ஒரு தாவர இனமாகும்.

கிறிஸ்தவத்திற்கு முந்தைய காலத்தில் கூட மக்கள் கஞ்சாவை அதன் எண்ணெய் விதைகள் மற்றும் நார்களைப் பெறுவதற்காகப் பயிரிட்டிருக்கலாம் என்று சீன 
விஞ்ஞானிகள் கூறியுள்ளனர்.

சட்டத்தால் இது தடைசெய்யப்பட்டதால், இந்த நாட்டில் கஞ்சா இரகசியமாக பயிரிடப்படுகிறது. வெல்லவாய, ஹம்பேகமுவ, தனமல்வில மற்றும் எம்பிலிப்பிட்டிய போன்ற பகுதிகள் இரகசிய கஞ்சா சாகுபடிக்கு பெயர் பெற்றவை, மேலும் பாதுகாப்புப் படையினர் பெரிய அளவிலான கஞ்சா தோட்டங்களை அழித்து எரிக்க வேலை செய்து வருகின்றனர். 

இலங்கை கையொப்பமிட்டுள்ள 1961 ஆம் ஆண்டு ஐக்கிய நாடுகளின் போதைப்பொருள் மருந்துகள் மீதான மாநாட்டின் கீழ், மருத்துவ சிகிச்சை மற்றும் ஆராய்ச்சிக்கான உற்பத்தியைத் தவிர, கஞ்சாவை வைத்திருப்பது, பயன்படுத்துவது, வர்த்தகம் செய்வது, விநியோகிப்பது, இறக்குமதி செய்வது, ஏற்றுமதி செய்வது மற்றும் உற்பத்தி செய்வது தடைசெய்யப்பட்டுள்ளது. 

மருத்துவ நோக்கங்களுக்காக கஞ்சாவை பயிரிட ஆயுர்வேத ஆணையருக்கு அதிகாரம் வழங்கப்பட்டுள்ளது. போதைப்பொருட்களாகக் கருதப்படும் 
பிற பொருட்களுடன் ஒப்பிடும்போது, கஞ்சாவில் மிகக் குறைந்த தீங்கு 
விளைவிக்கும் பண்புகள் உள்ளன.  

பொதுவாக, சணல் மூன்று துணை இனங்களாக பிரிக்கப்பட்டுள்ளது. முதலாவது கஞ்சா சாடிவா. (இந்த இனம் பல்வேறு பொருட்கள் மற்றும் மருந்துகளின் உற்பத்திக்கு பயன்படுத்தப்படுகிறது.) இரண்டாவது இனம் கஞ்சா இண்டிகா. (இது மிக உயர்ந்த மருந்து கலவையைக் கொண்டுள்ளது மற்றும் சில மருந்துகளின் உற்பத்திக்கு பயன்படுத்தப்படுகிறது.)

மூன்றாவது இனம் கஞ்சா ருடெராலிஸ். (கஞ்சா ருடெராலிஸ்). (இவை மத்திய மற்றும் கிழக்கு ஐரோப்பிய நாடுகளில் வளரும் ஒரு களையாகக் கருதப்படுகின்றன.)
இலங்கையில் வளர்க்கப்படும் சணல் செடி மருந்துகளின் உற்பத்திக்கு மிகவும் பொருத்தமானது மற்றும் அதிக ஏற்றுமதி திறனைக் கொண்டுள்ளது. 

இந்நிலையில்தான், ஏற்றுமதி நோக்கங்களுக்காக மட்டுமே முதலீட்டு வலயங்களில் கஞ்சா சாகுபடி செய்வதற்கு அரசாங்கம் தீர்மானித்துள்ளது.
கஞ்சா சாகுபடியையும் போதைப்பொருள் ஒழிப்பு திட்டத்தையும் கலக்க வேண்டிய அவசியமில்லை என்றும் தெரிவித்துள்ளது. 

“தேன் எடுத்தவன் புறங்கையை நக்காமல் இருக்கமாட்டான்” என்றொரு பழமொழி உள்ளது. இந்த பழமொழிக்கு பல்வேறான அர்த்தங்கள் கற்பிக்கப்பட்டாலும் சுயநலத்திற்காகத் தீய வழிகளில் பொருள் ஈட்டுபவர்கள், அதன் பலனை அனுபவிப்பார்கள் என்ற கருத்தை உணர்த்த இது பயன்படுத்தப்படுகிறது.

ஆகையால், கஞ்சா சாகுபடி முதலீட்டு வலயங்களில் இருந்து வெளியேறினால், கஞ்சா ஒழிப்பு திட்டத்தையும் ஆரம்பிக்கவேண்டிய நிலைமை ஏற்படும்.