இல்லத்தரசிகளுக்கு 3 சமையல் எரிவாயு சிலிண்டர்கள் இலவசம்

கோவா முதலமைச்சராகப் பிரமோத் சாவந்த் நேற்று முன்தினம் (28) இரண்டாவது முறையாக பதவியேற்றுக் கொண்டார்.

இதனையடுத்து நடைபெற்ற  புதிய அமைச்சரவையின் முதல் ஆலோசனை கூட்டத்திலும் அவர் கலந்து கொண்டார்.

இந்நிலையில் குறித்த கூட்டத்தில்  எடுக்கப்பட்ட முடிவுகள் குறித்து தனது டுவிட்டர் பக்கத்தில் பகிர்ந்து கொண்ட அவர் ” புதிய நிதியாண்டு முதல், 3 இலவச சமயல் எரிவாயு  சிலிண்டர் விநியோக திட்டத்தை செயல்படுத்த அமைச்சரவை முடிவு செய்துள்ளதாகத் தெரிவித்துள்ளார். 

மேலும் இரும்புத் தாது சுரங்கத் தொழிலை மீண்டும் ஊக்குவிப்பது மற்றும் வேலை வாய்ப்பை உருவாக்குவது ஆகியவற்றிற்கு முன்னுரிமை அளிக்கப் போவதாகவும் தெரிவித்தார்.