ஈரோட்டில் இன்று மாலை கமல் தேர்தல் பிரசாரம்

ஈரோடு:

மக்கள் நீதி மய்யம் கட்சி தலைவர் கமல்ஹாசன் "சீரமைப்போம் தமிழகத்தை" என்ற தலைப்பில் தமிழகம் முழுவதும் மாவட்ட வாரியாக தேர்தல் பிரசாரத்தில் ஈடுபட்டு பொதுமக்களை சந்தித்து பேசி வருகிறார். அதன்படி தனது 5ஆம்  கட்ட பிரசாரத்தை கோவையில் நேற்று தொடங்கினார்.

ரோடு மாவட்டத்தில் இன்றும், நாளையும் கமல்ஹாசன் தேர்தல் பிரசாரம் செய்கிறார். இன்று மாலை 6.30 மணிக்கு ஈரோடு மாவட்டம் கோபியில் பெரியார் திடலில் திறந்த வாகனத்தில் நின்று பொதுமக்களிடம் வாக்கு சேகரிக்கிறார்.

இதைத் தொடர்ந்து இரவு 7.15 மணிக்கு அந்தியூர் தேரடிக்கு செல்லும் கமல்ஹாசன் பொதுமக்களிடம் வாக்கு சேகரிக்கிறார். 7.45 மணிக்கு பவானி நகர் அந்தியூர் பிரிவில் மக்களை சந்தித்து பேசுகிறார்.