ஜனதா எம்.பி கௌதமுக்கு கொலை மிரட்டல்

புதுடெல்லி

முன்னாள் கிரிக்கெட் வீரரும்,பாரதிய ஜனதா  எம்.பியுமான கௌதம் கம்பீருக்கு மீண்டும் கொலை மிரட்டல் விடுக்கப்பட்டுள்ளது.

இந்திய கிரிக்கெட் அணியின் முன்னாள் வீரர் கௌதம் கம்பீர், தற்போது பாரதிய ஜனதா - எம்.பியாகவுள்ளார். இவருக்கு கடந்த வாரம் இரண்டு முறை 'ஈமெயில்' வாயிலாக கொலை மிரட்டல் வந்தது. 'ஐ.எஸ்.ஐ.எஸ்., காஷ்மீர்' என்ற ஈமெயில் முகவரியில் இருந்து மிரட்டல் வந்திருப்பதையும், மிரட்டல் விடுத்தவர் பாகிஸ்தானின் சிந்த் பல்கலை மாணவர் என்பதையும் மத்திய புலனாய்வு பிரிவு பொலிஸ் உதவியுடன் டெல்லி பொலிஸார் கண்டுபிடித்தனர்.

விசாரணை நடந்து வரும் நிலையில் கௌதம் கம்பீருக்கு நேற்றும் ஒரு ஈமெயில் வந்தது. அதில் கூறப்பட்டு இருப்பதாவது:டெல்லி பொலிஸார்  எங்களை ஒன்றும் செய்ய முடியாது. டெல்லி பொலிஸிலும்  எங்கள் உளவாளிகள் இருக்கின்றனர். பொலிஸாரின் அத்தனை நடவடிக்கையும் எங்களுக்கு தெரியும். இவ்வாறு அதில் கூறப்பட்டுள்ளது.