மாமனாரை சுட்டுக் கொன்ற மருமகன் தற்கொலை முயற்சி

திருப்பூரில் மாமனாரை துப்பாக்கியால் சுட்டுக்கொன்ற மருமகன் தானும் தற்கொலை முயற்சி மேற்கொண்ட சம்பவம் பரபரப்பை ஏற்படுத்தியுள்ளது.

திருப்பூர் மாவட்டம்  காங்கேயம் அடுத்துள்ளது எல்லப்பாளையம் கிராமப் பகுதியில் விவசாயம் செய்து வருபவர் பழனிசாமி. இவருடைய மகள் அம்பிகாவை ராஜேஷ் குமார் என்பவருக்கு பழனிசாமி திருமணம் செய்து வைத்திருந்தார்.

ராஜேஷ்குமார் குடும்ப தகராறு காரணமாக மாமனார் பழனிசாமியை ஐந்து முறை துப்பாக்கியால் சுட்டுக் கொன்றுவிட்டு தானும் துப்பாக்கியால் நெற்றியில் சுட்டுக்கொண்டு தற்கொலை முயற்சி மேற்கொண்டுள்ளார்.

இந்நிலையில், உடனடியாக மீட்கப்பட்ட அவர் காங்கேய அரசு மருத்துவமனையில் அனுமதிக்கப்பட்டுள்ளார். இதுகுறித்து பொலிஸார் விசாரணை மேற்கொண்டு வருகின்றனர்.

மருமகனே மாமனாரை சுட்டுக் கொன்ற சம்பவம் அங்கு பரபரப்பை ஏற்படுத்தியுள்ளது.S