விவசாயியைப் பார்த்து ’போய்யா’ என திட்டிய அமைச்சர்

திருச்சி :

திருச்சி மாவட்டத்திலுள்ள  திருவெறும்பூர் அருகே திருநெடுங்குளம் பகுதியில் வெள்ளத்தால் பாதிக்கப்பட்ட பகுதிகளை  நேரில் பார்வையிடுவதற்காக பாடசாலைக் கல்வி துறை அமைச்சர் மகேஷ் நேற்று மாலை சென்றிருந்தார்.

அப்போது விவசாயி ஒருவர், 'வெள்ள பாதிப்புகளை வயலில் இறங்கி பார்க்க வேண்டும்' எனக் கூற, ஆத்திரம் அடைந்த அமைச்சர் மகேஷ், 'போய்யா' என திட்டினார்.

அதைக் கேட்ட விவசாயி, 'நானும் விவசாயி தான்' எனக் கூற, அமைச்சர் மகேஷ், விவசாயியைப் பார்த்து முறைத்தார். பின்னர் அதன் பொது சில வார்த்தைகளை அள்ளி வீசியுமுள்ளார். இதன்போது பதிவான   வீடியோ, சமூக வலைதளங்களில் பரவி வருகிறது.இது தற்போது புதிய பிரச்சினையைத்தோற்றுவித்துள்ளது.